Please click the image to vote
PEBA 2012 OFW Blog Entry Nominees No.7 Blog and Me
April 1999, nung una akong magtrabaho sa ibang bansa. Malungkot na masaya, masaya dahil makakasama ko na ang asawa ko, malungkot dahil naiwan ko ang 4 na buwan kong anak. Hindi pala madaling manirahan sa bansa ng mga Arabo lalo na at kalahi nila ang napangasawa ko, iba ang kultura, religion at pananaw sa buhay. Ang tanging konsolasyon ko na lang ay nakakapagpadala ako ng buwanang sustento sa anak ko. Hindi ko inaalala ang kalagayan n'ya dahil alam kong nasa mabuti siyang kamay sa piling ng mga magulang at mga kapatid ko. Unang apong lalaki kaya tuwang tuwa sila ng iwan ko.
